Ціханоўская зняла Азарава з пасады прадстаўніка АПК па аднаўленні законнасці. Ён застанецца каардынатарам плана «Перамога»

6 жнiўня 2023 у 1691338440
«Зеркало»

Лідарка дэмакратычных сіл Беларусі і кіраўніца Аб'яднанага пераходнага кабінета (АПК) Святлана Ціханоўская зацвердзіла зняцце Аляксандра Азарава з пасады прадстаўніка па аднаўленні правапарадку і законнасці. Пра гэта палітык паведаміла 6 жніўня на канферэнцыі «Новая Беларусь 2023».

Фота з архіва Аляксандра Азарава

Прымаючы рашэнне, Святлана Ціханоўская адзначыла, што хацела б, каб Азараў працягнуў працу ў Кабінеце па плане «Перамога». Пазіцыя прадстаўніка вакантная.

Раней Каардынацыйная рада (КР) не зацвердзіла Аляксандра Азарава ў якасці прадстаўніка АПК па аднаўленні правапарадку і законнасці. Яго кандыдатуру падтрымалі 11 дэлегатаў КР, супраць выказаліся 35, устрымаліся 30.

- Гэта справа Каардынацыйнай рады. Я прымаю гэтае рашэнне. Гэта дэмакратыя. Але я застаюся працаваць далей: план «Перамога», барацьба з рэжымам. Не збіраюся на пенсію, так што Жыве Беларусь! - заявіў Азараў раней у каментары «Люстэрку».

Акрамя таго, Святлана Ціханоўская зацвердзіла Генадзя Манько на пасадзе кіраўніка місіі дэмакратычнай Беларусі ў Кіеве, а Маргарыту Ворыхаву - дарадцай па моладзевай палітыцы і студэнцтве.

Чытайце таксама