Мінгандаль ЗША забараніў экспарт у Беларусь і Расію тэлефонаў, дыктафонаў і бытавой тэхнікі

19 мая 2023 у 1684505280
«Зеркало»

Абмежаванні на экспарт больш чым 1200 пазіцый у Беларусь і Расію ўвёў Мінгандаль ЗША. Пра гэта гаворыцца ў прэс-рэлізе на сайце амерыканскага ведамства.

Амерыканскі сцяг над амбасадай у Кіеве. Фота выкарыстоўваецца ў якасці ілюстрацыі. Фота: Reuters

Уведзеная забарона на ўвоз у Беларусь і Расію шэрагу тэлефонаў, дыктафонаў, мікрафонаў і бытавой тэхнікі, а таксама 1224 прамысловых вырабаў: інструментаў, электрапрыбораў, будматэрыялаў, фарбаў, тканінаў, пасажырскага транспарту, алкаголю, гадзіннікаў і іншага.

Абмежаванні экспарту ЗША ў Беларусь і Расію таксама закрануць артапедычнае, афтальмалагічнае і стаматалагічнае абсталяванне.

«У адказ на агрэсію Расійскай Федэрацыі супраць Украіны, чаму ў значнай ступені спрыяла Беларусь, Міністэрства гандлю робіць больш жорсткімі свае цяперашнія санкцыі (…) супраць Расіі і Беларусі», - гаворыцца ў дакуменце.

Акрамя таго Мінгандлю ЗША ўвёў экспартныя абмежаванні супраць 70 звязаных з РФ арганізацый, у тым ліку з Арменіі і Кыргызстана.

У прыватнасці, пад новыя санкцыі ЗША трапілі:

  • НВП «Прима»,
  • НВА «Ижевские беспилотные системы»,
  • «Стрела»,
  • кампанія «Роствертол»,
  • ПАТ «Пролетарский завод»,
  • абаронны завод імя В. А. Дзегцярова ў Каўрове,
  • АТ «НПК "Техмаш",
  • кампанія "Мотовилихинские заводы",
  • Ульянаўскі механічны завод,
  • "Курганмашзавод",
  • завод "Промтехнология",
  • Улан-удэнскі авіяцыйны завод,
  • Бранскі аўтамабільны завод,
  • аўтазавод "Урал",
  • "Военно-промышленная компания",
  • ПА "Тулмашзавод",
  • Заволжскі завод гусенічных цягачоў,
  • АТ "Завод Элекон",
  • "Водтрансприбор",
  • Зеленадольскі завод ім. А. М. Горкага,
  • НВА "Орион",
  • прадпрыемства "Импульс",
  • Іжэўскі электрамеханічны завод "Купал",
  • Пермскі машынабудаўнічы завод,
  • АТ "Нижегородский завод 70-летия победы",
  • Ульянаўскі патронны завод,
  • прадпрыемства "Информационные спутниковые системы" им. М. Ф. Решетнева», якое ўваходзіць у Раскосмас.

Акрамя таго, ЗША ўнеслі ў санкцыйны спіс больш чым дзясятак навукова-даследчых і прамысловых інстытутаў РФ, уключаючы «Электроприбор», «Радиосвязь».

Чытайце таксама